Friday, May 30, 2008

ရာဇ၀င်ထဲမှာ ထားရစ်ခဲ့ပြီ NLD

၁၉၈၈ ခုနှစ်မှာ ပြည်သူလူထုရဲ့ လိုအင်ဆန္ဒက တစ်ပါတီစနစ်အစား ပါတီစုံ ဒီမိုကရေစီစနစ် ဖေါ်ဆောင်ရေးနဲ့ စီမံကိန်းစီးပွားရေးးအစား ဈေးကွက်စီးပွားရေး ကျင့်သုံးဖေါ်ဆောင်ရေးပဲဖြစ်တယ်။

သမိုင်းရေးလိုအပ်အရ ၁၈-၉-၁၉၈၈ ရက်နေ့မှာ နိုင်ငံတော်တာဝန်ယူခဲ့ရတဲ့ တပ်မတော်အစိုးရဟာ စနစ်တစ်ခုမှ တစ်ခုမှ စနစ်တစ်ခုသို့ အသွင်ကူးပြောင်းရေးကာလကို ဖြတ်သန်းဖေါ်ဆောင်ပေးခဲ့ရတယ်။ အဲဒီအချိန်မှာ တစ်ပါတီ ဆိုရှယ်လစ်စနစ်ကို အခြေခံရေးဆွဲ ကျင့်သုံးခဲ့တဲ့ ဖွဲ့စည်းပုံအခြခံဥပဒေလည်း ပျက်ပြယ်သွားခဲ့ပြီးဖြစ်တယ်။ ဒါကြောင့် စနစ်ပြောင်းခေတ်ပြောင်းမှုနဲ့ လိုက်လျောညီထွေရှိမယ့် အခြေခံဥပဒေ တစ်ရပ်လိုအပ်လာခဲ့တယ်။

ဒါကြောင့် ဖွဲ့စည်းပုံအခြေခံဥပဒေသစ် ပေါ်ပေါက်ရေးကို ဦးတည်ပြီး ၁၉၉၀ ပြည့်နှစ် မေလ (၂၇) ရက်နေ့မှာ ပါတီစုံဒီမိုကရေစီ အထွေထွေရွေးကောက်ပွဲကို ကျင်းပပေးခဲ့တယ်။ ရွေးကောက်ပွဲလုပ်ပေးမယ်လို့ ကြေညာခဲ့ချိန်မှစပြီး NLD နဲ့ အပေါင်းအပါတွေက ရွေးကောက်ပွဲဟာ တရားမျှတမှုရှိမှာမဟုတ်ဘူးလို့ ကြိုကန် ထားခဲ့တာတွေ့ရတယ်။ အဓိပ္ပါယ်ကတော့ ရွေးကောက်ပွဲမှာ NLD အနိုင်မရရင် ရွေးကောက်ပွဲဟာ တရားမမျှတဘူးလို့ ပုတ်ခတ်စွပ်စွဲနိုင်အောင် ကြိုတင်အကွက်ချထားတာပဲဖြစ်တယ်။

ဒါပေမယ့် NLD ဟာ ရွေးကောက်ပွဲမှာ ထောက်ခံမဲ အနည်းစုနဲ့ အနိုင်ရခဲ့တယ်။ အဲဒီလို သူတို့နိုင်တော့မှပဲ ရွေးကောက်ပွဲဟာ တရားမျှတမှုရှိတယ်လို့ ၀န်ခံခဲ့ပြန်တယ်။ ရွေးကောက်ပွဲမှာ အနိုင်ရတာနဲ့ NLD ဟာ တစ်တိုင်းတစ်ပြည်လုံးကပဲ ၄င်းတို့ကို လိုလားထောက်ခံသယောင် ပုံမှားရိုက်ပြီး ပါတီကြီးဝါဒကို လွဲမှားစွာ ကျင့်သုံးလာခဲ့တယ်။ တကယ်တော့ ၁၉၉၀ ရွေးကောက်ပွဲရဲ့ မဲပေးမှု အခြေအနေဟာ အောက်ပါအတိုင်းသာဖြစ်တယ်-

(၁) နိုင်ငံလူဦးရေ (၄၂) သန်း

(၂) မဲပေးခွင့်ရှိသူဦးရေ (၂၀) သန်း (၂၀၈၁၈၃၁၃)

(၃) မဲပေးသူဦးရေ (၁၅) သန်း (၁၅၁၁၂၅၂၄)

(၄) NLD အားထောက်ခံသူဦးရေ (၇) သန်း (၇၉၃၄၆၂၂)

(၅) ထောက်ခံမှုရရှိသည့်ရာခိုင်နှုန်း (၃၈.၁၁)%

အဲဒီလို မဲပေးခွင့်ရှိသူဦးရေရဲ့ (၃၈)% ထောက်ခံခဲ့မှုကို တစ်သက်လုံးပဲ ၄င်းတို့ကို ထောက်ခံ နေတယ်လို့ NLD က တလွဲမာန တက်ခဲ့တယ်။ ကိုယ်စားလှယ်ရဲ့ သက်တမ်းဟာ အလွန်ဆုံး (၅)နှစ် ဆိုတာကိုလည်း ဥပက္ခာပြုခဲ့တယ်။ အခြေခံဥပဒေမရှိဘဲနဲ့ အာဏာလွှဲပြောင်းရေးကို တောင်းဆိုခဲ့တယ်။ ၄င်းတို့အာဏာရရေးက ပထမ၊ အခြေခံဥပဒေရေးဆွဲရေးက ဒုတိယ ဖြစ်အောင် လုပ်ခဲ့တယ်။ ဒီလိုနဲ့ အခြေခံဥပဒေဆိုတဲ့ နိုင်ငံတော်ရဲ့ မူဝါဒချမှတ်ရေးနဲ့ နိုင်ငံတော် ဖွဲ့စည်းတည်ဆောက်ရေးဟာ နှောင့်နှေး ကြန့်ကြာ လာခဲ့ရတာဖြစ်တယ်။

တဖြည်းဖြည်းနဲ့ NLD ကို ထောက်ခံမိမှားခဲ့သူတွေဟာ လူရွေးမှားခဲ့ပြီ ဆိုတာကို သိလာခဲ့ကြတယ်။ မူကို ဦးစွာ မရွေးဘဲ လူကို ဦးစားပေးရွေးခဲ့မိတဲ့ အမှားကို သင်ခန်းစာ ယူခဲ့ကြတယ်။ ဒီလိုနဲ့ အခု ၂၀၀၈ ခုနှစ် မေလ မှာ ကျင်းပတဲ့ ဖွဲ့စည်းပုံအခြေခံဥပဒေမူကြမ်း အတည်ပြုရေး ပြည်လုံးကျွတ်ဆန္ဒခံယူပွဲမှာ လူကို မရွေးဘဲ မူကိုရွေးနိုင်ခဲ့ကြတာ ဖြစ်တယ်။

၁၉၉၀ ရလဒ်ကို အသေဆုပ်ကိုင်ထားတဲ့ NLD က ဆန္ဒခံယူပွဲမှာ မဲများမပေးကြဖို့ ၊ မဲရုံရှိရာ သွားရင်လည်း ကန့်ကွက်မဲပေးကြဖို့ သွေးထိုးလှုံ့ဆော်နေတဲ့ကြားက NLD ကိုမမှုတဲ့ ပြည်သူလူထုက အခုလို ထောက်ခံဆန္ဒပြုခဲ့ကြတာကို တွေ့ရမှာဖြစ်တယ်-

(၁) နိုင်ငံလူဦးရေ (၅၇) သန်း

(၂) မဲပေးခွင့်ရှိသူဦးရေ (၂၇) သန်း (၂၇၂၈၈၈၂၇)

(၃) မဲပေးသူဦးရေ (၂၆) သန်း (၂၆၇၇၆၆၇၅)

(၄) အခြေခံဥပဒေအား ထောက်ခံသူဦးရေ (၂၄) သန်း (၂၄၇၆၄၁၂၄)

(၅) ထောက်ခံမှုရရှိသည့်ရာခိုင်နှုန်း (၉၂.၄၈) ရာခိုင်နှုန်း

ဒါဟာ ပြည်သူလူထုက ဒီမိုကရေစီဆိုတဲ့ အနှစ်သာရကို လက်တွေ့ကျကျ ကျင့်သုံးပြလိုက်တာပဲ ဖြစ်တယ်။ NLD ရဲ့ လူတစ်စုအရေးထက် အခြေခံဥပဒေဆိုတဲ့ လူထုအရေးကို ဦးစားပေး ရွေးချယ်လိုက်တာ မဟုတ်ဘူးလား။

ဒါကြောင့် မြန်မာပြည်သူတွေက ရာဇ၀င်ထဲမှာ ထားရစ်ခဲ့ပြီ NLD လို့သာ ဆိုလိုက်ရပါတယ်။


မကူညီချင်နေပါ၊ မနှောက်ယှက်ပါနဲ့


“ပွဲလန့်တုန်းဖျာခင်းတယ်” ၊ “တောမီးလောင် တောကြောင် လက်ခမောင်းခတ်တယ်” ဆိုတဲ့စကား ကြားဖူးကြတယ်မဟုတ်လား။ ၁၉၈၈ ခုနှစ် အရေးအခင်းမှာ အဲဒီစကားတွေဟာ သွေးထွက်အောင်မှန်ခဲ့တယ်။ ကိုလိုနီနယ်ချဲ့လက်သစ်နဲ့ လက်ပါးစေ၊ နောက်မြှီးဆွဲတွေ တစ်စခန်းထ ခဲ့ကြတယ်။

ရိုးသားဖြူစင်တဲ့ ပြည်သူအချို့ကို နားလှည့်ပါးရိုက်ပြီး အယုံသွင်းနိုင်ခဲ့တယ်။ မီဒီယာ အသာစီးနဲ့ ကြမ်းပိုးကို-လိပ်၊ တစ်စိတ်ကို-တစ်အိတ် လုပ်ပြီး ပုံမှားရိုက်ကြတယ်။ ရိုက်စားလုပ်တာကို ပြည်သူတွေ ကျောကော့အောင်ခံခဲ့ကြရတယ်။

သူတို့ရဲ့ ရုပ်သေးရုပ်တွေ မြန်မာနိုင်ငံမှာ လုပ်ချင်သလိုလုပ်နိုင်အောင် အပြစ်ဟူသမျှ နိုင်ငံတော် အစိုးအရပေါ် ပုံချခဲ့တယ်။ စီးပွားရေး ဟန့်တားပိတ်ဆို့မှုတွေနဲ့ မြန်မာတွေအပေါ် စီးပွားရေးတိုက်ကွက် ဆင်ခဲ့တယ်။

နိုင်ငံခြားရင်းနှီးမြုပ်နှံမှု အတော်များများ ပြန်ပြီးရုတ်သိမ်းသွားတယ်။ ၀င်လာမယ့် အရင်းအနှီးတွေ နှောင့်နှေးရပ်ဆိုင်းခဲ့တယ်။ အထည်ချုပ်စက်ရုံ ရာနဲ့ချီပြီး ပိတ်ပစ်ခဲ့ရတယ်။ ကမ္ဘာဘဏ်၊ IMF စတာတွေက မြန်မာနိုင်ငံကို ငွေကြေးအကူအညီ မပေးသလောက်လုပ်ခဲ့တယ်။

အလုပ်သမားတွေ၊ အလုပ်သမတွေ သောင်းနဲ့ချီပြီး အလုပ်လက်မဲ့ဖြစ်ခဲ့ရတယ်။ သက်ဆိုင်ရာ မိသားစုတွေ အခြေအနေပျက်ကုန်တယ်။ အချို့မိန်းကလေးတွေ လူကုန်ကူးခံရတဲ့အထိ ဘ၀ပျက်ခဲ့ရ ရှာတယ်။ အဲဒီလူတွေဟာ အဖျက်သမားအုပ်စုရဲ့ လောဘ၊ ဒေါသ မုန်းတိုင်း အတိုက်ခံခဲ့ရတာပဲ မဟုတ်လား။ ဒါပေမယ့် လူသားချင်းစာနာမှု အကူအညီဆိုတာ ဝေလာဝေး၊ ဘယ်လောက်အထိတောင့်ခံနိုင်မလဲဆိုတဲ့ အတွေးနဲ့ လက်ပိုက်ကြည့်နေခဲ့တာတစ်ကမ္ဘာလုံးကအသိပါ။

၂၀၀၈ခုနှစ် မေလ (၂)ရက်နေ့နဲ့ (၃)ရက်နေ့တွေမှာ “နာဂစ်”ဆိုင်ကလုန်းမုန်တိုင်းကြောင့် ဧရာဝတီမြစ်ဝကျွန်းပေါ်ဒေသမှ မြို့နယ် (၇) မြို့နယ်နဲ့ ရန်ကုန်တိုင်းမှ မြို့နုယ် (၄၀) မုန်တိုင်းဒဏ် ဆိုးရွားပြင်းထန်စွာ ခံခဲ့ရတယ်။ နိုင်ငံတော်အစိုးရ၊ ပြည်သူလူထုတွေနဲ့ တပ်မတော်တို့ လက်တွဲပူးးပေါင်းပြီး ကယ်ဆယ်ရေးနဲ့ ပြန်လည်ထူထောင်ရေး လုပ်ငန်းတွေကို မဆိုင်းမတွ နိုးကြားတက်ကြွစွာ ဆောင်ရွက် ခဲ့ကြတယ်။ ကမ္ဘာထုံးတမ်းအစဉ်အလာအတိုင်း နိုင်ငံတကာမှ ကူညီထောက်ပံ့မှုတွေကိုလည်း ကြိုဆိုလက်ခံခဲ့တယ်။

ဒါပေမယ့် အခု သဘာဝဘေး ကျရောက်မှုအပေါ် နိုင်ငံရေးအရ ခုတုံးလုပ် အမြတ်ထုတ်မှုတွေ အတောမသတ်ပေါ်လာခဲ့တယ်။ အမေရိကန်ကဆို မဏ္ဍပ်တိုင်တက်ပြပြီး စစ်သင်္ဘောတွေ၊ စစ်ရဟတ်ယာဉ်တွေ၊ ကမ်းတက်တပ်သားတွေနဲ့ ကယ်ဆယ်ကူညီမယ်ဆိုပါလား၊ ကိစ္စအ၀၀ကို သူတို့ ပင်တဂွန် စစ်ဌာနချုပ်က ကွပ်ကဲမယ်တဲ့။

၁၉၈၈ အရေးအခင်း ကာလက ရန်ကုန်မှ သံရုံးမိသားစုတွေကို သယ်ထုတ်ဖို့ဆိုပြီး အမေရိကန် ရေတပ်သင်္ဘော ငါးစင်းအုပ်စု မြန်မာ့ရေပိုင်နက် ၀င်လာခဲ့တာကို ပြန်အမှတ်ရကြစေလိုတယ်။ သဘောရိုးနဲ့ ကူညီချင်တယ်ဆိုရင် တခြားနိုင်ငံတွေလိုပဲ အရပ်ဘက်သင်္ဘောတွေ၊ အရပ်ဘက်လေယာဉ်တွေနဲ့ ဥဒဟို ၀င်ထွက်ပြီး လှူဒါန်းနိုင်နေတာ အားလုံးအသိပါ။

အမေကျော် ဒွေးတော်လွမ်းနေသူတွေကလည်း ထုံးစံအတိုင်း နိုင်ငံတကာ အကူအညီတွေကို လက်မခံဘူး။ ကူညီလှူဒါန်းတာတွေ အလွဲသုံးစား အလုပ်ခံနေရတယ်ဆိုတဲ့ လူပြိန်းအကြိုက် သတင်း အမှားတွေနဲ့ ဘေးဝင်တီးပေးခဲ့ကြတယ်။ တချို့ကဆိုရင် လက်မခံလည်း မပူနဲ့။ အတင်းအဓမ္မ၀င်ပြီး ကူညီရမယ်လို့တောင် ရေလာမြောင်းပေး လုပ်ခဲ့ကြတယ်။

အဲ့ဒီလို အငမ်းမရ ကူညီနေချင်သူတွေ အားပါးတရ ထိထိရောက်ရောက် စနစ်တကျ ၀င်ထွက်သွားလာ ကူညီနိုင်အောင် အာဆီယံနဲ့ ကုလသမဂ္ဂက ဦးဆောင်ပြီး နိုင်ငံတကာ ကူညီထောက်ပံ့ရေး ကွန်ဖရင့်ကို ရန်ကုန်မြို့မှာ အောင်အောင်မြင်မြင် ကျင်းပနိုင်ခဲ့ပြန်တော့ အဖျက်သမားအုပ်စု အချိုးတစ်မျိုး ပြောင်းသွားတာ အကင်းပါးသူတွေ ရိပ်မိကြမှာပါ။

အဲ့ဒီ ကွန်ဖရင့်မှာ ကူညီသင့်တဲ့ အတိုင်းအတာ အမေရိကန်ဒေါ်လာ သန်းပေါင်း ၁၁၀၀၀ ကျော် ရှိကြောင်း၊ လှူဒါန်းလိုမှုအတွက် ၀င်ရောက်ကြည့်ရှု့ လေ့လာနိုင်ကြောင်း၊ သဘောတူညီခဲ့တာကို သေးသိမ် မှေးမိန်အောင် လုပ်ခဲ့ကြပြန်တယ်။

ခုအချိန်ထိ ဒေါ်လာသန်း ၁၀၀၀ ခန့်သာ ကူညီမယ့် အနေအထားရှိကြောင်း၊ ဒါတောင် စိတ်တိုင်းကျ ကြည့်ရှုပြီးမှ ကူညီမှာဖြစ်ကြောင်း စတဲ့ အတင်းအဖျင်း စကားတွေနဲ့ အပြုသဘောကနေ အပျက်သဘော ဆိုက်အောင် ဘေးတီးပေးနေကြပြန်ပြီလေ။ အစကတော့ ကမ်းကုန်အောင် ရက်ရောမယ့်ပုံနဲ့ အခုတော့ အကြွေးပေးရမယ့်သဘော၊ မသက်မသာနဲ့။

ဒီကမ္ဘာပေါ်မှာ မြန်မာတစ်နိုင်ငံလုံးကို တစ်လကိုးသီတင်း အလကားပဲတင်း ကျွေးမွေးကူညီမယ့် ဝေဿန္တရာလက်သစ် မရှိဘူးဆိုတာ သိထားပြီးဖြစ်လို့ မြန်မာပြည်သူတွေကတော့ မတုန်လှုပ်ပါဘူး။

ယနေ့ နိုင်ငံတော်မှာ ငွေကြေးနဲ့စားနပ်ရိက္ခာ အရန်အင်အားတွေ စီမံထားရှိပြီးဖြစ်တယ်။ တိုးချဲ့ဖြည့်စွက်စိုက်ပျိုးနိုင်တဲ့ အခြေခံအင်းအားတွေ ရှိထားတယ်ဆိုတာ ယုံကြည်ထားပြီးဖြစ်တယ်။ မည်သူမဆို ကူညီသည်ဖြစ်စေ၊ မကူညီသည်ဖြစ်စေ၊ “ကိုယ့်အားကိုယ်ကိုး ကိုယ်သာအရှင်သခင်ဖြစ်ပေ” ဆိုတဲ့အတိုင်း မြန်မာတွေက အခက်အခဲဟူသမျှကို ရင်ဆိုင်ကျော်လွှားသွားကြမှာ ဧကန်မုချမို့ “မကူညီချင်နေပါ မနှောက်ယှက်ပါနဲ့” ဆိုပါရစေ။


သမိုင်းတင် နှိုင်းယှဉ်လို့ ကြည့်ရအောင်

(က) ဒီမိုကရေစီရေး ဗလုံးဗထွေးကာလ လူထုဆန္ဒ
၁၉၉၉၀ ပြည့်နှစ် ပါတီစုံ ဒီမိုကရေစီ အထွေထွေရွေးကောက်ပဲ မဲပေးခဲ့ပုံ

လူဦးရေ= ၄၂ သန်း၊ မဲပေးခွင့်ရှိသူ= ၂၀ သန်း၊ မဲပေးသူ =၁၅ သန်း၊ NLD ကို ထောက်ခံသူ= ၈သန်း၊ ရာခိုင်နှုန်း= ၃၈.၁၁

(ခ) ဒီမိုကရေစီအရေး နှလုံးအေး အခါယမယ ပြည်သူ့ဆန္ဒ
၂၀၀၈ခုနှစ် အခြေခံဥပဒေ အတည်ပြုရေး ပြည်လုံးကျွတ်ဆန္ဒခံယူပွဲ မဲပေးကြပုံ

လူဦးရေ= ၅၇ သန်း၊ မဲပေးခွင့်ရှိသူ= ၂၈သန်း၊ မဲပေးသူ= ၂၇သန်း၊ အခြေခံဥပဒေကိုထောက်ခံသူ = ၂၄သန်း၊ ရာခိုင်နှုန်း = ၉၂.၄၈

(ဂ) ယနေ့ မြန်မာပြည်သူတို့၏ ဆန္ဒအမှန်
  • (၁) ပါတီနိုင်ငံရေးကို စိတ်မ၀င်စား
  • (၂) အမျိုးသားနိုင်ငံရေးကို အလေးထားသည်။
  • (၃) လူပုဂ္ဂိုလ်ကို ဦးစားမပေး။
  • (၄) နိုင်ငံတော်၏ မူဝါဒကို ဦးထိပ်ပန်ဆင်သည်။
  • (၅) တပ်မတော် အင်အားရှိမှ တိုင်းပြည်အင်အားရှိမည်ဟု ယုံကြည်သည်။
  • (၆) ဒီမိုကရေစီအသွင်ကူးပြောင်းမှုကို ညင်သာညက်ညော ချောမွေ့စွာ ဆောင်ရွက်လိုသည်။
(ဃ) သုံးသပ်ချက်
အားလုံးကို ခြုံငုံ သုံးသပ်ချက်(ကောက်ချက်) ဆွဲပြချင်ပါသည်။ ၁၉၉၀ ပြည့်နှစ်က NLDကို ထောက်ခံခဲ့သူ ၈ သန်းနီးပါး (၇၉၃၄၆၂၂)ဦး ရှိခဲ့ပါသည်။ ၂၀၀၈ ခုနှစ် ပြည်လုံးကျွတ်ဆန္ဒခံယူပွဲတွင် ထောက်ခံမဲပေးရန် NLDက ကြေငြာချက် ထုတ်ပြန်လှုံ့ဆော်ခဲ့သည်။ ထို့ကြောင့် အခြေခံဥပဒေကို ကန့်ကွက်သူ (၁)သန်းခွဲကျော် (၁၆၃၁၇၁၂)ဦး ရှိသည်။ ယခင် (၈)သန်းနီးပါးမှ ယခု (၁)သန်းခွဲကျော်မျှသာ ရှိကြောင်း သတိချပ်သင့်ပြီ NLD။

အတိတ်ကိုဆောင်သော်

၁၉၈၈ ခုနှစ်၊ အရေးအခင်းကာလ ၊ စက်တင်ဘာလ(၁၂)ရက်နေ့မှာ ရန်ကုန်မြို့တွင်း အနေရာအနှံအပြား ကပ်ထားတဲ့ လှုံ့ဆော်ရေးစာစောင်တွေမှာ ၂၄ နာရီ ကြိုတင် သတိပေးချက်ဆိုပြီး ဖော်ပြထားတာ အားလုံးမှတ်မိကြဦးမှာပါ။

အဲ့ဒီကြေငြာချက်မှာ ၁၃-၉-၈၈ ရက်နေ့ ၊ မွန်းလွဲ (၁)နာရီ ထုတ်လွှင့်သည့် မြန်မာ့ရုပ်သံရဲ့ ပထမဆုံး သတင်းအဖြစ် လမ်းစဉ်ပါတီအစိုးရ နှုတ်ထွက်လိုက်ပြီဖြစ်ကြောင်း၊ ဒီမိုက်ရေစီ ကြားဖြတ်အစိုးရဖွဲ့ပေးပြီး အာဏာလွှဲအပ်လိုက်ပြီဖြစ်ကြောင်း ထုတ်လွှင့်ရမယ်၊ အဲ့ဒီလို မထုတ်လွှင့်ရင် ရန်ကုန်မြို့တွင်း အရေးကြီးနေရာ ဌာနတွေကို ရန်ကုန်မြစ်အတွင်းမှ အမြောက်နဲ့ ပစ်မယ်၊ လေယာဉ်နဲ့ ဗုံးကြဲမယ်လို့ လက်မှတ်အတုတွေထိုးပြီး ခြိမ်းခြောက်ခဲ့တယ် မဟုတ်လား။

အဆိုပါ ကြေငြာချက်ဖြန့်ဝေတဲ့ စက်တင်ဘာလ(၁၂)ရက်နေ့မှာပဲ ကြယ်ငါးပွင်း သင်္ဘော ကော်ပိုရေးရှင်းပိုင် အင်းဝသင်္ဘော ပြည်ပမှ ရန်ကုန်ဆိပ်ကမ်းသို့ ပြန်ဝင်လာစဉ် ရန်ကုန်မြို့တောင်ဘက် ရေမိုင် ၁၉၀ ခန့်အကွာ နေရာမှာ အမေရိကန် ရေတပ်သင်္ဘောအုပ်စု သင်္ဘော (၅)စီး ရောက်ရှိနေကြောင်း တွေ့ရလို့ သက်ဆိုင်ရာကို အချိန်မီ သတင်းပို့နိုင်ခဲ့တယ်။ အဲ့ဒီ သင်္ဘောအုပ်စုမှာ လေယာဉ်တင်သင်္ဘောတွေ၊ ကုန်းသွား၊ ရေသွား စစ်ရေယာဉ်တွေဖြစ်နေလို့ သက်ဆိုင်ရာက အမေရိကန် သံရုံးကို ခေါ်ပြောတော့မှ အံ့အားသင့်ပြီး ၂၄ နာရီအတွင်း ထွက်ခွာပေးမယ်လို့ ၀န်ခံပြောကြားခဲ့တယ်။

အဲ့ဒီ အမေရိကန် စစ်သင်္ဘောတွေ မြန်မာ့ရေပိုင်နက်ထဲမှာ ဘာဖြစ်လို့ ရောက်ရှိနေတာလဲ။ သံရုံးရဲ့ အကြောင်းပြချက်ကတော့ မြန်မာနိုင်ငံမှာ အခြေအနေတွေ ရှုပ်ထွေးလာရင် သံရုံးမိသားစုနဲ့ ၄င်းနိုင်ငံသားများကို ကယ်ဆယ်ရန်အတွက်လို့ ယုတ္တိမရှိတာနဲ့ အကြောင်းပြခဲ့တယ်။ တကယ်တမ်းမှာ အဲ့ဒီ သံရုံးမိသားစုအပါအ၀င် နိုင်ငံခြားသား (၂၆၇)ဦးဟာ အထူးလေယာဉ်နဲ့ စက်တင်ဘာလ(၁၁)ရက်နေ့ကတည်းက မြန်မာနိုင်ငံမှ ထွက်ခွာသွားပြီး ဖြစ်နေတာ တွေ့ရတယ်။

အခု ၂၀၀၈ ခုနှစ် ၊ မေလဆန်း နာဂစ်မုန်တိုင်းဒဏ်ကြောင့် ဧရာဝတီတိုင်း မြစ်ဝကျွန်းပေါ် ဒေသ တောင်ပိုင်းနှင့် ရန်ကုန်တိုင်း တောင်ပိုင်းဒေသတွေမှာ ထိခိုက် ပျက်ဆီးဆုံးရှုံးမှုတွေ များပြားခဲ့တယ်။ နိုင်ငံတော် တာဝန်ရှိသူတွေ ၊ တပ်မတော်သားတွေ၊ ပြည်သူတွေက အဲ့ဒီ ဒေသတွေကို နေ့ချင်း ညချင်း ဖြန့်ခွဲရောက်ရှိလာပြီး အရေးပေါ်ကယ်ဆယ်ရေး၊ ကူညီစောင့်ရှောက်မှု လုပ်ငန်းတွေကို အချိန်နဲ့ တပြေးညီ ဆောင်ရွက်ပေးနိုင်ခဲ့တယ်။ မြန်မာနိုင်ငံသား ဘေးဒုက္ခရောက်ရှိ နေသူများဆီ ပထမဦးဆုံး ရောက်ရှိသွားပြီး အကောင်းဆုံး ကြိုးပမ်းကူညီ စောင့်ရှောက်နိုင်ခဲ့တာပဲ ဖြစ်တယ်။

အဲ့ဒီ နောက်ပိုင်းကျမှ သဘာဝဘေးအန္တရာယ် ကယ်ဆယ်ရေးအတွက်၊ အထူးလေ့ကျင့်ထားတဲ့ စစ်သားတွေ ၊ စစ်သုံးယာဉ်တွေ၊ ကူညီရေးပစ္စည်းတွေ အပြည့်အစုံပါဝင်တဲ့ အမေရိန်ကန် လေယာဉ်တင် သင်္ဘောအုပ်စု မြစ်ဝကျွန်းပေါ်ဒေသ မြန်မာ့ရေပိုင်နက်နဲ့ အနီးဆုံးနေရာမှာ ရောက်ရှိနေပြီး ၀င်ရောက်လုပ်ဆောင်ခွင့် ပြုသင့်တယ်လို့ အနောက်မီဒီယာတွေက အသံကုန်ဟစ်လာတယ်။

နားစွန် နားဖျား၊ အပေါ်ယံရှပ်ပြီးကြားတဲ့သတင်းတွေ၊ ရော့ကွက် ဟာကွက်တွေကို လက်ကုန်နှိုက်ပြီး သတင်းဦး သတင်းထူးဖြစ်အောင် မပြည့် မစုံ ဖေါ်ပြတဲ့ သတင်းတွေကို ကိုးကားပြီး ငါ.......မကယ်ရင် သေဖွယ်ဖြစ်တော့မယ့်အတိုင်း ကျီးတွေလို ၀ိုင်းအာကျတယ်။ သူ့ထက်သူ လူစွမ်းကောင်းလုပ်နိုင်တဲ့ ပြင်သစ်နိုင်ငံခြားရေး ၀န်ကြီးကဆိုရင် ဘယ်သူက ခွင့်ပြုပြု၊ မပြုပြု အတင်း အဓမ္မ ၀င်ရောက်လုပ်ဆောင်ရမယ်ဆိုတဲ့အထိ လမ်းကြောင်းပေးခဲ့တယ်။ ပြင်သစ် စစ်သင်္ဘော တစ်စင်းနဲ့ ဗြိတိန်မှ စစ်သင်္ဘောတစ်စင်းတောင် ပူးပေါင်းလုပ်ဆောင်လာတဲ့အထိ ဖြစ်လာခဲ့တယ်။

၁၉၈၈ က ဖော်ပြပါ ဖြစ်စဉ်နဲ့ အခု ၂၀၀၈ ဖြစ်စဉ်ဟာ မနည်းကို ဆွဲယူနေတာကို လေ့လာ သုံးသပ်တွေကရှိရပါတယ်။ ဒါဟာ မြန်မာနိုင်ငံရဲ့ အချုပ်အခြာအာဏာပိုင်အတွင်းကို မထိခလုတ် ထိခလုတ် လုပ်လာတဲ့ သဘောဖြစ်နေတယ်။ အချုပ်တန်းဆရာဖေရဲ့ “ ဆာဂျင်တောင် ဦးချလို့၊ ပလူးကြ ပြေးကြိုအခါခါ ၊ ခွေးသို့ပမာ” လူတန်းစားပျက် တစ်စုကလည်း အူယားဖားယားနဲ့ ကယ်ပါယူပါ တစာစာ လုပ်ပြခဲ့ကြတယ်။

မျိုးချစ်ပြည်သူတွေကတော့ ၂၁ရာစုမှာ ကျောချမှ ဓါးပြမှန်းသိတဲ့ အဖြစ်မျိုးကို လုံးဝ လက်ခံမှာ မဟုတ်ဘူး။ အတိတ်ကို ဆောင်လိုက်ရင်၊ ဒီယုန်မြင်လို့ ဒီခြုံထွင်လိုက်တဲ့ လုပ်ရပ်တွေ အများကြီးပဲ ဆိုတာ တွေ့ရှိလိုက်ရမှာ ဖြစ်တယ်။ အရပ်စကားနဲ့ ခပ်ပါးပါးလေး ကောက်ချက်ပေးရရင်တော့ “နင်..... သနားတာ ၊ ငါ ......သိပါတယ်” ဆိုတဲ့ ကောက်ချက်ကို ပေးရမှာ သေချာတယ်။ ဒုတိယ ကမ္ဘာစစ်ကာလ ဂျပန်အပြေး၊ မဟာမိတ်တပ်တွေ အ၀င်မှာ လေဒီဂျစ်ဆိုတဲ့ မိန်းမပျက်တွေ ပေါ်ခဲ့ဖူးတယ် မဟုတ်လား။ ကယ်ပါယူပါ တစာစာလုပ်နေကြတဲ့ လူတန်းစားပျက် အုပ်စုအနေနဲ့ အခုထက် ပိုပျက်သွားလည်း အကြောင်းမဟုတ်ပေမယ့် တိုင်းချစ်ပြည်ချစ် ပုဂ္ဂိုလ်တွေကတော့ အမျိုးဂုဏ် ဇာတိဂုဏ်ကို လုံးဝ အထိပါး ခံမှာ မဟုတ်ဘူးလို့ ပြောလိုက်ချင်ပါတယ်။